Liqeni i Jazhincës

I shtrirë në Malet e Sharrit, në një lartësi prej 2.100 metrash mbi nivelin e detit, Liqeni i Jazhincës na pret me bukuritë e tij natyrore dhe peizazhet mahnitëse.

Vjeshta në ngjyrat e saj më të bukura: e kuqja, e verdha, portokallia dhe ari i gjetheve, të shtrira mbi shtegun malor, krijojnë një pamje magjepsëse mes pyjeve të dendura dhe majave të Sharrit. Një ecje mes ngjyrave të vjeshtës, ajrit të pastër malor dhe bukurisë së veçantë të liqenit.

Shtegu është i përballueshëm për të gjithë ata që dëshirojnë të provojnë për herë të parë ecjen malore. Gjatësia është rreth 7 km në një drejtim, 14 km gjithsej. Aktiviteti udhëhiqet nga udhëheqës malorë të certifikuar.

Programi

• Nisja: e diel, 1 nëntor 2026, ora 06:45, me autobus.
• Rruga: Lakrishtë, Fushë Kosovë, Ferizaj. Ndalesë në orën 07:30 te “ELI-AB” (te Ura) në Ferizaj për t’u furnizuar me ushqim.
• Kthimi në Prishtinë: rreth ora 19:00.

Çmimi

15 € për person (transporti dhe pjesëmarrja). 10 € për person për ata që vijnë me veturë private.

Çka të marrësh me vete

• Këpucë mali me qafë ose këpucë të përshtatshme për ecje malore
• Veshje sportive, duks dhe dy maica për ndërrim
• Kapelë, syze dielli dhe krem kundër diellit
• Çantë shpine
• Ushqim për një ditë dhe 1,5 l ujë
• Fruta të thata, çokollata dhe ushqime sipas dëshirës

Vërejtje

• Gjatë ngjitjes respektoni rregullat dhe udhëzimet e guidave, dhe për çdo nevojë kontaktoni ata.
• Nuk lejohet ecja para guidave.
• Nuk marrim përgjegjësi për lëndimet e personave që nuk ndjekin udhëzimet e guidave.
• Muzikë dëgjoni vetëm me kufje.
• Secili mban përgjegjësi për veten.